Fələstinli Jurnalistlər Sindikatı: İsrail Qəzzada soyqırım həqiqətlərini gizlətmək üçün 100 gündə 100-dən çox jurnalisti qətlə yetirib
15-01-2024, 13:11. Yazar: sevinc1
İsrail qüvvələri mühasirədə olan Fələstin ərazisində cinayətlərinin gerçək işıqlandırılmasının qarşısını almaq üçün Qəzza zolağında davam edən soyqırım müharibəsində çoxlu jurnalisti qətlə yetirib.
Bu barədə Fələstin Jurnalistlər Sindikatının bazar günü rejimin Qəzzaya hərbi hücumunun 100-cü günü ilə bağlı bəyanatında deyilir.
“İsrail qüvvələri tərəfindən qətlə yetirilən jurnalistlərin sayı indiyədək 14-ü qadın olmaqla 112-yə çatıb” və rejim qüvvələrinin “öldürmək məqsədi ilə fələstinli jurnalistləri hədəf almağa davam etdiyi” qeyd edilib.
Sindikat iddia edib ki, İsrail qüvvələri rejimin “ümumiyyətlə Fələstin xalqına, xüsusən də Qəzza zolağına qarşı törədilmiş soyqırımın həqiqətini öldürmək” səylərinin bir hissəsi kimi qəsdən mətbuat qruplarını hədəf alır.
Rejim qəddar hərbi təcavüzünə Qəzza zolağında yerləşən müqavimət hərəkatlarının Əl-Əqsa Fırtınası əməliyyatından sonra başlayıb. Onun soyqırım müharibəsi indiyədək əksəriyyəti qadın və uşaq olmaqla 24.000-ə yaxın fələstinlini qətlə yetirib, 60.000-dən çox insan isə yaralanıb.
Bəyanatının başqa bir yerində sindikat Qəzzada jurnalistlər üçün daim mövcud olan ölüm təhlükəsi barədə xəbərdarlıq edərək, onların son dərəcə mürəkkəb və çətin şəraitdə fəaliyyət göstərdiklərini bildirib.
O qeyd edib ki, İsrailin sahilboyu ərazisinə endirdiyi hava hücumlarında yüzlərlə jurnalistin hədəfə alındığı və öldürüldüyündən jurnalistlərin ailə üzvləri belə, aman vermir.
Jurnalistlər sindikatı xəbərdarlıq edib ki, İsrail rejimi də onların öldürülməsinə haqq qazandırmaq üçün jurnalistlərə qarşı ittihamlar uydurmağa və onu bu cinayətlərə görə məsuliyyətə cəlb edə biləcək gələcək beynəlxalq məhkəmə təqiblərinə etiraz etməyə çalışır.
Bu həftənin əvvəlində Birləşmiş Millətlər Təşkilatı Qəzzada qətlə yetirilən jurnalistlərin sayının çox olması ilə bağlı ciddi həyəcan təbili çalmışdı.
BMT-nin hüquqlar ofisi X sosial media platformasındakı paylaşımında "Qəzzada media işçilərinin ölüm sayının çox olmasından çox narahatdır" dedi.
O əlavə edib ki, Qəzzada jurnalistlərə sui-qəsd “beynəlxalq hüquqa ciddi riayət olunmasını təmin etmək üçün hərtərəfli, müstəqil şəkildə araşdırılmalı və pozuntular təqib edilməlidir”.
aia.az
Tərcümə şöbəsi
Geri dön