Yaponiya kosmosa göyərtəsində casus peyki olan raket buraxıb
12-01-2024, 09:58. Yazar: sevinc1
Yaponiyanın JAXA aerokosmik agentliyi Taneqaşima buraxılış meydançasından göyərtəsində Koqaku-8 optik peyki ilə birlikdə H2A daşıyıcı aparatını buraxıb. Bu barədə RİA Novosti məlumat yayıb. Peyk Yaponiya hökumətinə məxsusdur və məlumat toplayacaq. Koqaku-8 kosmosdan Yer səthini izləməli və hərbi qurğuların, həmçinin Pxenyanın raket proqramı ilə bağlı Şimali Koreyadakı hərəkətlərin şəkillərini çəkməli idi. Bundan əlavə, təbii fəlakətlər zamanı məlumat toplayacaq. Peykin hazırlanması hakimiyyət orqanlarına 275 milyon dollara başa gəlib.
İlkin olaraq buraxılış yanvarın 11-nə planlaşdırılıb, lakin əlverişsiz hava şəraiti ilə əlaqədar onun təxirə salınması qərara alınıb. Hazırda Yaponiya hökuməti müxtəlif növ məlumatların toplanması üçün ümumilikdə 10 peykdən istifadə edir. H2A raketi maye yanacaqla işləyir. Bu, bu tip raketin 48-ci buraxılışıdır. Onun istismar müddətinin 50-ci buraxılışından sonra 2024-cü maliyyə ilində başa çatacağı gözlənilir. Onu fevralın 15-dən sonra ilk dəfə buraxılacaq H3 raketi əvəz edəcək.
aia.az
Tərcümə şöbəsi
Geri dön