İsrail hərbçiləri İordan çayının qərb sahilində 3 fələstinli gənci qətlə yetirib
9-01-2024, 13:50. Yazar: sevinc1
İsrail qüvvələri Qəzza zolağında rejimin davam edən soyqırım müharibəsi fonunda işğal altındakı İordan çayının qərb sahilindəki Tulkərm şəhərinin ətrafına şiddətli basqın zamanı üç fələstinli gənci qətlə yetirib.
Fələstinin rəsmi WAFA xəbər agentliyi bazar ertəsi axşam basqının qurbanlarının 22 yaşlı Yusif Əli əl-Khouli, 23 yaşlı Ahed Salman Musa və 24 yaşlı Tariq Amjad Shaheen olduğunu açıqlayıb.
İsrailin yeni cinayəti rejimin xüsusi təyinatlı qüvvələrinin çoxlu sayda İsrail hərbçisinin müşayiəti ilə Tulkarm şəhərinin Aktaba ətrafına hücumundan sonra baş verib.
Xəbərdə qeyd olunur ki, İsrail qüvvələri "məhəllədə park edilmiş avtomobilə şiddətli atəş açıb, oradakı evi mühasirəyə alıb və içəridəki üç gənci öldürüb".
Əlavə edilib ki, rejim əsgərləri bölgədən çəkilməzdən əvvəl şəhidlərdən birinin cənazəsi İsrail hərbi maşınının altında qalıb.
İşğal qüvvələri həmçinin Mahmud Moti Slit adlı daha bir fələstinli gənci basqın zamanı yaraladıqdan sonra həbs edib.
İşğalçı İsrail qüvvələri qurbanları hədəfə aldıqdan sonra Qızıl Aypara işçilərinin maşınlarına silah tuşlayaraq əraziyə çatmasına mane olub. Onlar yalnız rejim əsgərləri bölgədən geri çəkildikdən sonra hücum yerinə çata biliblər.
Basqından sonra Tulkərmdəki milli və islami qüvvələr şəhidlərin əzadarlığı üçün çərşənbə axşamı üçün hərtərəfli tətil elan edib.
İşğalçı rejim, ərazinin müqavimət hərəkatları ilə Əl-Əqsa Fırtınası əməliyyatından sonra Qəzzaya qarşı amansız hərbi hücuma başladığı 7 oktyabrdan bəri İordan çayının qərb sahilində şiddətli basqınlarını artırıb.
Gərginlik nəticəsində işğal olunmuş ərazilərdə 340-a yaxın fələstinli həlak olub.
Digər tərəfdən, rejimin mühasirədə olan Qəzzaya qarşı apardığı soyqırım müharibəsi indiyədək əksəriyyəti qadın və uşaq olmaqla 23 mindən çox fələstinlinin ölümünə, 59 minə yaxınının isə yaralanmasına səbəb olub.
aia.az
Tərcümə şöbəsi
Geri dön