Rusiyadan Çinə donuz ətinin tədarükünün başlama tarixi açıqlanıb
27-12-2023, 17:57. Yazar: sevinc1
\\Rosselxoznadzorun rəhbəri Sergey Dankvert yaxın iki ay ərzində Çinə rus donuz ətinin tədarükünün başlanacağını istisna etməyib. RİA Novosti xəbər verir ki, o, müvafiq məlumatı “Rossiya 24” telekanalı ilə söhbətində paylaşıb. Keçən ilin payızında Çin hakimiyyəti 2008-ci ildə Rusiya Federasiyasına qarşı tətbiq edilən Afrika donuz taunu ilə bağlı müvəqqəti məhdudiyyətləri aradan qaldırmaq qərarına gəlib.
Bu qərara Çin Xalq Respublikasının Baş Gömrük İdarəsinin nümayəndələrinin Rusiya Federasiyasına səfəri təsir etdi - onlar ölkənin donuzçuluq müəssisələrini yüksək qiymətləndirdilər. Səfər rus donuz ətinin Çinə buraxılması ilə bağlı tədbirlər çərçivəsində həyata keçirilib.Tərəflər xüsusi protokolun razılaşdırılması prosedurunu başa çatdıra biliblər. Söhbət Rusiyadan Çinə ixrac edilən donuz ətinə qarşı yoxlama, karantin və baytarlıq-sanitariya tələblərini dəqiqləşdirən sənəddən gedir. İxrac sertifikatının layihəsi də razılaşdırılıb.
Bundan əvvəl Kənd Təsərrüfatı Nazirliyi Rusiyada mal ətinin qiymət konyukturasının sabitləşdiyini bildirib. Onlar qeyd ediblər ki, 2022-ci ilin müvafiq dövrünə bu ətin pərakəndə satış qiyməti cəmi 6,7% artıb.
aia.az
Tərcümə şöbəsi
Geri dön