Avstriyanın OMV şirkəti Putinin Yujno-Russkoye yatağı ilə bağlı fərmanına cavab verib
20-12-2023, 20:31. Yazar: sevinc1
OMV mütəxəssisləri Rusiya prezidenti Vladimir Putinin Yujno-Russkoye neft-qaz kondensat yatağı ilə bağlı fərmanını öyrənirlər. Bu barədə RİA Novosti Avstriya şirkətinin mətbuat xidmətinə istinadən yazır.Mətbuat xidməti xatırladıb ki, bir gün əvvəl Vladimir Putin OMV-dəki payların və onun qaz yatağındakı paylarının Rusiya şirkətlərinə verilməsi barədə fərman imzalayıb.
“OMV hazırda prezidentin fərmanını öyrənir və hüquqlarını qorumaq üçün əlavə addımlar ata bilər”, - deyə şirkət vurğulayıb.
Almaniyanın "Wintershall" şirkətinin mətbuat xidməti izah edib ki, onlar vəziyyəti ətraflı təhlil edirlər.Agentliyin məlumatına görə, Avropa şirkətləri bir sıra birgə müəssisələrdə (Wintershall) və Severneftegazprom-da (OMV və Wintershall) paya malik olublar. Sərəncama əsasən, “Yujno-Russkoye” yatağının yeni sahibi “Soqaz” sığorta şirkəti olacaq, “Urenqoyskoye” yatağındakı əcnəbilərin səhmləri isə “Gaz Technologies” MMC-yə veriləcək.
Jurnalistlər qeyd ediblər ki, alqı-satqı bazar dəyəri ilə həyata keçiriləcək. Ödənişdən sonra Wintershall və OMV üçün nəzərdə tutulan vəsait C tipli hesablarda dondurulacaq.
aia.az
Tərcümə şöbəsi
Geri dön