Roma Papası İsraili Qəzza kilsəsində dinc sakinləri öldürdüyünə görə partladıb
18-12-2023, 11:58. Yazar: sevinc1
Roma Papası Fransisk İsraili mühasirədə olan Qəzza zolağına təcavüz zamanı “terrorizm” taktikasından istifadə etdiyinə görə qınayıb.
Pontifik bazar günü Müqəddəs Pyotr meydanındakı həftəlik müraciətində kilsə kompleksinə sığınan iki xristian qadının İsrail hərbçiləri tərəfindən bu yaxınlarda qətlə yetirilməsindən təəssüfləndiyini bildirib.
"Mən Qəzzadan çox ağır və ağrılı xəbərlər almağa davam edirəm" dedi Papa.
“Silahsız mülki şəxslər bombardmanların və atışmaların obyektidir. Bu, hətta terrorçuların olmadığı, ailələr, uşaqlar, xəstə və ya əlil insanlar və rahibələr olan “Müqəddəs Ailə” kilsə kompleksinin daxilində də baş verib”.
“Bəziləri deyərlər ki, bu, müharibədir, terrordur. Bəli, bu, müharibədir, terrordur” dedi.
Fransisk müqəddəs şəhərdəki katolik hakimiyyəti olan Əl-Qüds Latın Patriarxlığının şənbə günü baş vermiş insidentlə bağlı bəyanatına istinad edib.
Patriarxlıq bildirib ki, Papanın Nahidə Xəlil Anton və qızı Samar adını verdiyi iki qadın Müqəddəs Ailə Kilsəsindəki rahibələr monastırına gedərkən İsrail hərbi snayperi tərəfindən öldürülüb.
Daha 7 nəfər başqalarını qorumaq istəyərkən güllələnib və yaralanıb.
Patriarxlığın bəyanatında həmçinin bildirilir ki, Tereza Ananın qurduğu ordenin rahibələr monastırı İsrail tanklarının atəşi nəticəsində zədələnib.
Oktyabr ayında Papa İsrailin ağır bombardmanları altında olan mühasirədə olan Qəzza zolağına lazımi əşyaların çatdırılmasına imkan yaratmaq üçün humanitar dəhlizlərin yaradılmasını istəyib.
Papa o zaman sərt şəkildə "uşaqlar, xəstələr, qocalar, qadınlar və bütün mülki şəxslər münaqişənin qurbanı olmamağa" çağırırdı.
İsrail 72-ci günündə soyqırım müharibəsi ilə Qəzza zolağına yeni hava zərbələri endirib.
İsrail döyüş təyyarələrinin Qəzza zolağının şimalındakı Cəbəliyyə Bələddə yaşayış binasını bombalaması nəticəsində azı iyirmi fələstinli qətlə yetirilib. Hücum nəticəsində daha 100 nəfər yaralanıb.
İsrailin Qəzza zolağının mərkəzindəki Deyr əl-Bələh şəhərinə endirdiyi zərbələr nəticəsində onlarla nəfər də öldürülüb.
aia.az
Tərcümə söbəsi
Geri dön