Kiyevdə su basmış metro stansiyasının yaxınlığındakı binaların altında torpaq çöküb
18-12-2023, 08:49. Yazar: sevinc1
Kiyevdə su basmış Demievskaya metro stansiyası yaxınlığında ticarət pavilyonlarının binalarının altında torpaq çöküb, bu barədə UNİAN agentliyi məlumat yayıb.Asfaltda çuxurlar və çatlar əmələ gəlib, sosial şəbəkələrdə yayılan görüntülərdə binaların deformasiyaya uğradığı aydın görünür.
Kiyev şəhər administrasiyası iddia edir ki, bu yerdəki torpaq altı metro stansiyasının bağlanmasından əvvəl də çöküb. Ukrayna paytaxtının rəsmiləri əlavə ediblər ki, sayt gücləndirilmiş nəzarətə götürülüb, heç bir kritik dəyişiklik qeydə alınmayıb.
Dekabrın 8-də tunelin su basması və uçmaq təhlükəsi ilə əlaqədar Kiyevdə metronun hərəkəti mavi Obolonsko-Teremkovskaya xəttinin Demiyevskayadan Teremkiyə qədər olan altı stansiyasında bağlanıb.
Paytaxt merinin müşaviri Dmitri Belotserkovski Kiyev metrosunun bir hissəsinin su altında qalmasında Ukraynanın eks-prezidenti Viktor Yanukoviç və keçmiş baş nazir Nikolay Azarovu günahlandırıb. O, qeyd edib ki, stansiyalar sonuncu dəfə Yanukoviçin prezidentliyi dövründə açılıb.
Ali Radanın "Batkivşina" partiyasından olan deputatı, energetika və mənzil-kommunal təsərrüfat komitəsi sədrinin birinci müavini Aleksey Kuçerenko metroda baş verən insidentdən sonra Kiyev Paton körpüsü olacağını proqnozlaşdırıb.
aia.az
Tərcümə şöbəsi
Geri dön