ABŞ-ın bir həftə ərzində ikinci idarə olunan raket esminesi Aralıq dənizinə daxil olub
15-12-2023, 13:44. Yazar: sevinc1
“İnterfaks” ABŞ-ın 6-cı Əməliyyat Donanmasının məlumatlarına istinadən xəbər verir ki, Amerika Hərbi Dəniz Qüvvələrinə məxsus “USS Delbert D. Black” idarə olunan raket esminesi Cəbəllütariqi keçərək Aralıq dənizinə daxil olub. Məlumata görə, bu döyüş gəmisi bir həftə ərzində ikinci olub.Qeyd olunur ki, esmines “donanmanın məsuliyyət zonasında əməliyyatların aparılması” ilə məşğul olacaq. 6-cı Əməliyyat Donanmasının əvvəlcədən bildirdiyi kimi, idarə olunan raket esminesi USS Laboon da dekabrın 11-də Aralıq dənizinə gəlib.
Hazırda Şərqi Aralıq dənizində USS Gerald Ford nüvə təyyarədaşıyan gəmisinin başçılıq etdiyi Amerika aviadaşıyıcılarının zərbə qrupu patrul edir. Buraya idarə olunan raket kreyseri USS Normandy, həmçinin USS McFaul, USS Thomas Hudner və USS Bulkeley esminesləri daxildir. Bundan əvvəl ABŞ Hərbi Dəniz Qüvvələrinə məxsus “Gabrielle Giffords” gəmisi ÇXR-in ərazi sularına müdaxilə edərək, onun suverenliyini pozmuşdu. Xalq Azadlıq Ordusunun Cənub Bölgəsi Döyüş Komandanlığının sözçüsü Tian Junlinin sözlərinə görə, döyüş gəmisi Nanşa adaları yaxınlığında yerləşən Ayungin Shoal bölgəsində görünüb. Tian Junli vurğulayıb ki, Çin bu hərəkəti təxribat kimi qiymətləndirir.Oxşar hadisə noyabrın 25-də də baş verib. Çin mətbuatının yazdığı kimi, PLA hərbçiləri Amerikanın USS Hopper esminesini ÇXR-in ərazi sularından sıxışdırıb çıxara bilib. Çin hökuməti ABŞ-ı qeyri-qanuni şəkildə işğal etməkdə və “dəniz hegemonluğuna” can atmaqda və Cənubi Çin dənizini hərbiləşdirməkdə ittiham edib.
aia.az
Tərcümə şöbəsi
Geri dön