Həmas BMT Baş Assambleyasının Qəzzada dərhal atəşkəs üçün səs verməsini alqışlayır
13-12-2023, 20:19. Yazar: sevinc1
Fələstinin Həmas müqavimət hərəkatı Birləşmiş Millətlər Təşkilatının Baş Assambleyasının Qəzza zolağında təcili humanitar atəşkəsə çağıran qətnaməsini alqışlayıb və beynəlxalq ictimaiyyəti işğalçı rejimə bu ərazidəki vəhşiliklərini dayandırmaq üçün təzyiq göstərməyə çağırıb.
HƏMAS-ın siyasi bürosunun üzvü İzzət ər-Rişəq çərşənbə günü verdiyi açıqlamada Fələstin xalqına qarşı “soyqırım və etnik təmizləmə müharibəsini” pisləyib.
O, əlavə edib ki, BMT-nin qərarı “beynəlxalq ictimaiyyətin əksəriyyətinin İsrailin Qəzzaya qarşı təcavüzünü və soyqırım müharibəsini dayandırmaq iradəsini əks etdirir”.
Rişeq həmçinin beynəlxalq ictimaiyyəti Təl-Əviv rejiminə BMT-nin qərarına əməl etməyə məcbur etmək üçün təzyiq göstərməyə çağırıb.
Çərşənbə axşamı günü axşam saatlarında BMT Baş Assambleyası Qəzzada döyüşlərin dayandırılmasını tələb edən qətnamənin lehinə səs verib.
Qətnamə 153 ölkə lehinə, 23-ü isə bitərəf olmaqla qəbul edilib. Məcburi olmayan qətnamənin əleyhinə çıxan 10 səs arasında ABŞ və İsrail də var idi.
Səsvermə qlobal rəyin göstəricisi kimi xidmət edir və oktyabrın əvvəlindən əksəriyyəti qadın və uşaq olmaqla ən azı 18 412 nəfərin şəhid olduğu Qəzzaya hücumunu dayandırmaq üçün İsrailə beynəlxalq təzyiqlərin gücləndiyi bir vaxta təsadüf edir. 50 mindən çox insan da yaralanıb.
aia.az
Tərcümə şöbəsi
Geri dön