Rusiyalı prankerlər Vovan və Lexus Norveçin baş nazirə zarafatı...
6-12-2023, 13:46. Yazar: sevinc1
Rusiyalı prankerlər Vovan və Lexus (Vladimir Kuznetsov və Aleksey Stolyarov) Norveçin baş naziri Jonas Gahr Støre ilə zarafat ediblər. Onlar Telegram kanalında başqa bir avropalı siyasətçi haqqında zarafatdan fraqmentlər dərc ediblər.
Prankerlər özlərini Norveç Nazirlər Kabinetinin rəhbərinə Afrika ölkəsindən olan yüksək vəzifəli məmur kimi təqdim ediblər. Söhbət zamanı Stere Rusiya və Ukrayna arasında sülh danışıqları ideyasını dəstəkləyib.
“Biz ilk növbədə siyasi liderlərdən müəyyən məsafədə diplomatik tədbirlərlə əsas məsələləri həll etməyə çalışmalıyıq”, o vurğulayıb.
Siyasətçi Qərb silahlarının Ukraynaya ötürülməsi mövzusuna da toxunub. Onun sözlərinə görə, Kiyevə nəzarətsiz silah tədarükü onların qeyri-qanuni olaraq üçüncü əllərə, o cümlədən HƏMAS-ın əlinə keçməsinə gətirib çıxarır.
Stere həmçinin etiraf edib ki, o, 7-8 Norveç F-16 qırıcısının tədarükü ilə Ukraynanı döyüş meydanında hansısa yolla xilas edəcəyinə inanmır. Onun sözlərinə görə, təyyarələrin təhvil verilməsi kifayət qədər “uzaq perspektiv”dir, çünki bunun baş verməsindən əvvəl uzun hazırlıqlar və infrastrukturun yaradılması tələb olunur.
“Şimal axını”nda baş verən partlayışlara görə kimin məsuliyyət daşıması sualı siyasətçini tamamilə qorxudub. O, səhvən həmsöhbətini qadın adlandırıb və Novregiyanın hadisədə iştirakının olmadığını bildirib və bunun “hər kəsin edə bilməyəcəyi mürəkkəb əməliyyat olduğunu” vurğulayıb. O, istintaqın davam etdiyini əsas gətirərək cinayəti törədənlərin adlarını açıqlaya bilməyib.
aia.az
Tərcümə şöbəsi
Geri dön