Aİ Polşanı məsuliyyətə cəlb etməklə hədələyib
30-11-2023, 11:24. Yazar: sevinc1
Polşa Dorohusk sərhədində minlərlə Ukrayna yük maşınının qarşısını kəsdiyinə görə tədbir görməsə, o, “qaydalara əməl etməmək və ya qanuna əməl etməmək” ittihamı ilə üzləşəcək. “Politico” xəbər verir ki, bunu nəqliyyat üzrə Avropa komissarı Adina Valen deyib.Materialda deyilir ki, ukraynalıların Polşa ilə sərhəddə ilk gördükləri şey, Polşa yük maşınlarının noyabrın 6-da başlayan blokadası səbəbindən Dorohusk sərhəd-keçid məntəqəsini keçmək üçün gözləyən yük maşınlarının böyük növbəsidir. Dörd sərhəd keçidində üç mindən çox yük maşınının ilişib qaldığı, gözləmə müddətinin üç həftəyə çatdığı dəqiqləşdirilir.
Bununla bağlı Avropa komissarı vurğulayıb ki, Polşa hakimiyyəti bu sərhəddə qanunlara əməl olunmasını təmin etməlidir, əks halda onlar məsuliyyətə cəlb oluna bilərlər. Onun sözlərinə görə, o, insanların etiraz etmək hüququnu dəstəkləyir, lakin bütün Avropa İttifaqı (Aİ), Ukraynanı nəzərə almasaq, xarici sərhədləri bağlanmış halda girov götürülə bilməz.Qeyd olunur ki, sərhəddə etirazçılar çadırlar qurub açıq çəlləklərdə od yandıraraq isinirlər, işıq yansıtıcı jiletlərdə olan sürücülər isə yük maşınlarının yanında gözləyirlər.
Bundan əvvəl Ukrayna-Polşa sərhədində vəziyyətin pisləşdiyi məlum olub. Qeyd edildiyi kimi, Polşa tərəfində yük maşınlarının növbəsi 50 kilometrə çatır.
aia.az
Tərcümə şöbəsi
Geri dön