Pentaqon: İraqdakı Ayn əl-Əsəd aviabazasına raket hücumu nəticəsində bir neçə ABŞ əsgəri yaralanıb
22-11-2023, 14:14. Yazar: sevinc1
Pentaqon rəsmiləri bildiriblər ki, Amerika hərbi qüvvələri və təlimçilərinin iddia edilən təlim və məsləhət missiyalarında yerləşdiyi İraqın qərbindəki Ənbar əyalətindəki Ayn əl-Əsəd aviabazasına ballistik raket hücumu nəticəsində bir neçə ABŞ hərbçisi yaralanıb.
Pentaqonun sözçüsü briqada generalı Pat Ryder verdiyi açıqlamada, bazar ertəsi gecə edilən hücumun yaxın mənzilli ballistik raketlə əlaqəli olduğunu və səkkiz nəfərin yaralanması və infrastrukturun zədələnməsi ilə nəticələndiyini söylədi.
Rayder əlavə edib ki, ABŞ ordusu zərbə ilə cavab verib və ərazidəki AC-130 təyyarəsi bu hücumda iştirak edən bir avtomobilə və bir neçə nəfərə hava hücumu həyata keçirib.Amerika Birləşmiş Ştatları Mərkəzi Komandanlığının (CENTCOM) bəyanatında deyilir ki, ABŞ ordusu çərşənbə günü səhər yerli vaxtla səhər tezdən İraqdakı iki obyektə növbəti "dəqiq zərbələr" endirib.
Pentaqon rəsmisi CBS News-a bildirib ki, hücumda yaralanan ABŞ hərbçiləri hələ də qiymətləndirilməkdədir.
İraqda İslami Müqavimət, antiterror döyüşçülərindən ibarət çətir qrupu öz Telegram kanalında yayımladığı bəyanatda Ayn əl-Əsəd aviabazasına edilən hücuma görə məsuliyyəti öz üzərinə götürüb.
O, həmçinin çərşənbə günü səhər tezdən Suriyanın şimal-qərbindəki Həsəkə şəhərindən təxminən 50 kilometr (31 mil) cənubda yerləşən əl-Şaddadi qəsəbəsində ABŞ-ın idarə etdiyi obyektə edilən zərbəyə görə məsuliyyəti öz üzərinə götürüb.
Qrup qeyd edib ki, hücumlar ABŞ-ın İsrailin Qəzza zolağında fələstinlilərə qarşı apardığı qanlı müharibəyə verdiyi dəstəyə cavab olaraq həyata keçirilib.5840 uşaq və 3920 qadın da daxil olmaqla ən azı 14128 fələstinli İsrailin vəhşi hücumunda qətlə yetirilib. 33,000-dən çox insan da xəsarət alıb.
Bu ayın əvvəlində Kətaib Seyid əş-Şühəda antiterror müqavimət qrupunun baş katibi Əbu Ala əl-Valeyi İraq müqavimət döyüşçülərinin Amerika işğalçı qüvvələrinə cavab hücumlarının aramsız davam edəcəyini vurğulayıb.
Onun sözlərinə görə, ABŞ-ın İraqdakı hərbi mövqelərinə zərbələr yalnız İsrailin Qəzzaya zərbələri bitdikdə və humanitar yardım karvanları heç bir məhdudiyyət olmadan mühasirədə olan Fələstin sahillərində yerli sakinlərə çatdıqda dayanacaq.
Kətaib Seyid əl-Şühəda qrupunun baş katibi də İraqdakı İslami Müqavimətin Fələstin xalqı və müqavimət döyüşçülərinin yanında möhkəm dayanacağını bildirib.
İsrailin ən böyük müttəfiqi olan ABŞ Qəzza müharibəsi başlayandan bəri rejimi silah və sursatla təmin edib.
aia.az
Tərcümə şöbəsi
Geri dön