HƏMAS Qəzzada atəşkəsdən sonra əsir götürülən rus qadınların taleyinin necə olacağını bildirib
22-11-2023, 12:42. Yazar: sevinc1
Fələstinin HƏMAS radikal hərəkatının Qəzza zolağındakı xarici əlaqələr şöbəsinin rəhbəri Bassem Naim RİA Novosti-yə bildirib ki, qruplaşma tərəfindən əsir götürülən rusiyalı qadınlar atəşkəs qüvvəyə mindikdən sonra sərbəst buraxılacaqlar.
"Hələlik bu məsələ ilə bağlı dəqiq məlumatım yoxdur, lakin məndə olan məlumata görə, iki rusiyalı qadın atəşkəsdən dərhal sonra azad olunacaq", - Həmas nümayəndəsi bildirib.
Naimin sözlərinə görə, azad ediləcək girovların siyahısı təkcə Fələstin qrupunun deyil, həm də vasitəçilərin - ABŞ, Misir və Qətərin iştirakı ilə tərtib edilib.Noyabrın 22-də İsrail Qəzza zolağında saxlanılan girovları azad etmək üçün Həmas ilə razılaşmanı təsdiqləyib. Razılaşmaya əsasən, dörd günlük atəşkəs elan ediləcək və bu müddət ərzində HƏMAS 50 qadın və uşağı azad edəcək. Bundan əlavə, Qırmızı Xaç nümayəndələrinə lazımi tibbi yardım göstərmək üçün qalan girovlara baş çəkməyə icazə veriləcək.
aia.az
Tərcümə şöbəsi
Geri dön