Husilər ələ keçirilən gəmini azad etmək üçün İsrailə şərt qoyublar
21-11-2023, 13:02. Yazar: sevinc1
Əsir götürülən “Galaxy Leader” yük gəmisi İsrail Qəzza zolağında əməliyyatı dayandırana qədər buraxılmayacaq. Bunu Yəmənin “Ənsar Allah” üsyançı hərəkatının yaratdığı Respublika Ali Siyasi Şurasının üzvü Husi Məhəmməd Əli əl-Husi sosial şəbəkədəki səhifəsində bildirib.“Əgər Amerika və İsrail Qəzzada fələstinlilərin həyatına son qoysalar və su, dərman və ərzaq çatdırsalar, o zaman İsrail gəmisi haqqında danışa bilərlər”, o, gəminin buraxılması şərtlərini adlandırıb.
Əl-Husinin sözlərinə görə, gəminin ələ keçirilməsi qarşılıqlılıq prinsipinə tam uyğundur.
Bundan əvvəl Qırmızı dənizdə İsrailin “Galaxy Leader” gəmisi ələ keçirilib. Gəmidə 22 nəfər olub və İsrail vətəndaşı olmayıb. İran Xarici İşlər Nazirliyinin sözçüsü Nasser Kanaani Chafi Tehranın Qırmızı dənizdə İsrail gəmisinin ələ keçirilməsində iştirakını təkzib edib. O qeyd edib ki, İsrailin ittihamları qəti və yalandır.
aia.az
Tərcümə şöbəsi
Geri dön