Ukraynalı iş adamı Kolomoyskinin Krımdakı əmlakı hərraca çıxarılacaq
15-11-2023, 15:58. Yazar: sevinc1
Ukraynalı iş adamı İqor Kolomoyskinin Krımda milliləşdirilmiş əmlakı hərraca çıxarılacaq. Bu barədə Krım Respublikası parlamentinin sədri Vladimir Konstantinov öz Telegram kanalında məlumat verib.“Yaxın vaxtlarda ukraynalı oliqarx Kolomoyskiyə məxsus Partenit kəndində yerləşən “Avropa” istirahət mərkəzi olan “Transport Logistics” MMC-nin əmlakı hərraca çıxarılacaq”, - deputat yazıb.
Konstantinovun sözlərinə görə, lota 37 daşınmaz əmlak obyekti daxildir: su idmanı mərkəzi, istinad divarları və s.
Kolomoyskinin milliləşdirilmiş əmlakının satışı nəticəsində Krımın büdcəsinə 397,7 milyon rubl daxil olacağı gözlənilir.
Sentyabrda Konstantinov bildirib ki, Krımda Ukrayna ilə əlaqəli şəxslərə və təşkilatlara məxsus olan və milliləşdirilən ilk səkkiz daşınmaz əmlak 815 milyon rubla satılıb. Torpaqlara yaşayış və kommersiya daşınmaz əmlakı daxildir.
aia.az
Tərcümə şöbəsi
Geri dön