Əlini növbəti bürünc medalı
13-11-2023, 11:20. Yazar: sevinc1
Astaralı idmançılar öz uğurlu çıxışları ilə respublika, Avropa, eləcə Dünya çempionatlarında layiqli imzalarını qoya bilirlər. Rayonda boks idmanına maraq daha böyükdür. Əli Məmmədov da boks idmanı ilə məşğul olur. Onun qazandığı qələbələr çoxdur. Növbəti dəfə isə astaralı boksçu Minskdə keçirilən Beynəlxalq turnirin bürünc medalına sahib çıxıb.
Belə ki, Minsk şəhərində yeniyetmə boksçular arasında Vladimir Botvinnikin xatirəsinə həsr olunan Beynəlxalq turniri keçirilib. Turnirdə 7 ölkənin 142 idmançısı öz qüvvəsini sınayıb. Bu mötəbər yarışda baş məşqçi Vaqif Kazımov və məşqçi Teymur Məmmədovun rəhbərliyi altında Azərbaycan yığması 1 qızıl və 9 bürünc medal qazanıb. Bürünc medallardan biri Azərbaycan Milli komandasını üzvü Əli Məmmədovun adınadır. Məlumat üçün bildirək ki, Əli turnirdə 46 kiloqram çəki dərəcəsində çıxış edib.
Əli Məmmədov Astara Boks Mərkəzinin baş məşqçisi Ayaz Baxşiyevin yetirməsidir. Astaralılar Əlinin qələbəsinə ürəkdən sevinir, ona yeni-yeni uğurlar arzulayır.
Zəfər Orucoğlu,
Azərbaycan Jurnalistlər Birliyinin üzvü
Geri dön