“Pediatriyada aktual mövzular” panel müzakirəsi təşkil edilib
4-11-2023, 17:56. Yazar: sevinc1
TƏBİB-in dəstəyilə "Medinex" sərgisinin tədbirlər proqramı çərçivəsində “Pediatriyada aktual mövzular” adlı panel müzakirəsi keçirilib.
aia.az xəbər verir ki, TƏBİB-in tabeliyində fəaliyyət göstərən Akademik M.Ə.Mirqasımov adına Respublika Klinik Xəstəxanasının direktor müavini Rəşad Tağıyev “Hərarətdən qorxaqmı?” mövzusunda çıxış edərək uşaqlarda yüksək hərarətin tərifi və müalicəsi haqqında məlumat verib.
Dr.Rəşad Tağıyev çıxışında yüksək hərarət, bədən hərarətinin ölçülmə qaydası, yüksək hərarət zamanı diqqət edilməli məqamlar, hərarətin faydaları və zərərləri, etiologiya, anamnez mövzuları barədə danışıb, yüksək hərarət zamanı müalicə üçün tövsiyələrini bildirib.
Sonda iştirakçıların sualları cavablandırılıb, fikir mübadiləsi aparılıb.
Geri dön