İtaliyanın müdafiə naziri hesab edir ki, Ukraynada atəşkəsin vaxtı hələ çatmayıb
4-11-2023, 16:54. Yazar: sevinc1
İtaliyanın müdafiə naziri Guido Crosetto hesab edir ki, “Ukraynada siyasi atəşkəsin vaxtı hələ çatmayıb”."Rusiya və Ukrayna arasındakı münaqişəyə diqqət mediada zəifləyib, lakin siyasi baxımdan yox. Qərb və Aİ-nin Kiyevə dəstəyi dəyişməz olaraq qalır", - o, "Quotidiano Nazionale"yə müsahibəsində deyib. "Aydındır ki, davamlı sülh yalnız hərbi əməliyyata əsaslana bilməz "Siyasi "barışıq" lazımdır. Bunun vaxtı hələ gəlməyib, amma ümid ən son ölür".
Yaxın Şərqdəki vəziyyəti şərh edən İtaliya Müdafiə Nazirliyinin rəhbəri “həll yolu yalnız hərbi ola bilməz” fikrini ifadə edib.
"Beynəlxalq ictimaiyyət, xüsusən də İtaliya Qəzzanın mülki əhalisinə ərzaq və zəruri malların çatdırılması üçün çalışır. Artıq İtaliyadan hərbi təyyarələr havaya qalxıb və mülki vətəndaşları, ağır yaralıları, girovları daşımağa hazır olan üç gəmimiz var", - o deyib. .
Nazirin sözlərinə görə, “israillilərlə, ərəb dünyasının həmin hissəsi və münaqişə istəməyən fələstinlilərlə dialoq aparmaq və HƏMAS-ı təcrid edən sağlam düşüncəli həll yolunu müdafiə etmək lazımdır”.
aia.az
Tərcümə şöbəsi
Geri dön