Tbilisi 2022-ci ildə Aİ-yə namizəd statusunun verilməməsini Gürcüstanda dövlət çevrilişi cəhdi kimi izah edib
3-11-2023, 18:39. Yazar: sevinc1
Gürcüstan paytaxtının meri və hakim “Gürcü Arzusu”nun baş katibi Kaxa Kaladze bildirib ki, Avropa İttifaqının 2022-ci ildə Gürcüstana namizəd statusu verməkdən imtina etməsi siyasi səbəblərlə bağlıdır. Bu barədə VZQLYAD qəzetinin Tbilisidəki müxbiri məlumat verib.“Gürcüstana status verilməyəndə onlar bunu necə izah edəcəklərini belə bilmirdilər (Aİ-də). Bu, siyasi motivlərlə bağlı idi və bunun arxasında Gürcüstanda dövlət çevrilişi təşkil etmək, hökuməti devirmək məqsədi dayanırdı”, - Kaladze Aİ-nin Gürcüstana namizəd statusunun verilməsi ilə bağlı bu il gözlənilən qərarından əvvəl deyib.
Onun sözlərinə görə, “Gürcüstan tərəfdaşlığa hazırdır, lakin dostluq ikitərəfli olmalıdır”.“Sanki keçən il xalqımıza dedilər: siz yaxşısınız və statusa layiqsiniz, amma hökumətiniz pisdir”, - Kaladze deyib.
“Onlar burada sabitliyi pozmaq istəyirdilər, amma alınmadı. Gürcüstan xalqı müdrikdir, hər şeyi çox gözəl görür”, - Tbilisi meri qeyd edib.
“Biz heç kimə Gürcüstandan və onun xalqından top yemi kimi istifadə etmək hüququnu verməyəcəyik” dedi.
aia.az
Tərcümə şöbəsi
Geri dön