İcra başçısı ADAU-da tələbələrin təcrübə imkanlarıyla tanış olub
1-11-2023, 10:33. Yazar: sevinc1
Gəncə şəhər İcra Hakimiyyətinin başçısı Niyazi Bayramov Azərbaycan Dövlət Aqrar Universitetində (ADAU) olub.
aia.az bildirir ki, ali təhsil müəssisəsinin Qapalı və açıq balıq yetişdirmə laboratoriyalarına baş çəkən şəhər rəhbərinə məlumat verilib ki, burada tələbələr balıq kürüsünün alınması, mayalandırılmasından başlayaraq bütün texnoloji proseslərdə iştirak edir, həmçinin müxtəlif növ balıqların yetişdirilməsi və yemləndirilməsi texnologiyasına yiyələnirlər.
Sonra Universitetin Bağçılıq kafedrasının nəzdində fəaliyyət göstərən meyvə bağına baxış keçirilib. Bildirilib ki, sahədə əkilmiş müxtəlif meyvə ağacları və tərəvəz bitkiləri tələbələrin bağçılıq sahəsində bütün prosesləri yaxından təcrübə etmələri üçün mühüm əhəmiyyətə malikdir.
Yüksək texnologiyalı suvarma sistemi mərkəzi ilə tanış olan Niyazi Bayramova mərkəzin tələbələrin müasir texnologiyalar ilə tanışlığı və istifadəsi üçün nəzərdə tutulduğu bildirilib.
Görüşün sonunda tələbələrlə xatirə şəkli çəkdirilib.
Azər Tağızadə
Geri dön