Finlandiya və Çin Balticconnector-un zədələnməsində Çin gəmisinin rolunu araşdırır
31-10-2023, 18:04. Yazar: sevinc1
Finlandiya Finlandiya və Estoniya arasında Balticconnector boru kəmərinə dəyən zərərdə Çinin “Newnew Polar Bear” gəmisinin rolunu aydınlaşdırmaq üçün Çin hakimiyyəti ilə əlaqə saxlayıb. Bu barədə Osloda baş nazir Petteri Orpo jurnalistlərə bildirib."Biz ÇXR ilə qarşılıqlı diplomatik kanallar açdıq və Çin hakimiyyəti ilə əlaqə saxladıq. Onlar əməkdaşlığa hazır olduqlarına əmin oldular", - Reuters onun sözlərindən sitat gətirib.
Orpo həmçinin qeyd edib ki, Finlandiya və Çin arasında birgə iş artıq başlayıb və əməkdaşlığın ilk nəticələri yaxın günlərdə təqdim olunacaq."Ancaq hələlik biz səbirli olmalıyıq. Nəticə çıxarmazdan əvvəl baş verənlərlə bağlı aydın təsəvvür əldə etmək lazımdır", - Finlandiyanın baş naziri vurğulayıb.
Çin tərəfi, Reuters-in qeyd etdiyi kimi, beynəlxalq hüquq normalarına uyğun olaraq lazımi məlumatları təqdim edəcəyinə söz verib. Finlandiyanın qaz kəməri operatoru Gasgrid çərşənbə axşamı bildirib ki, o, Balticconnector-un təftişini başa çatdırıb və ilkin olaraq qeydə alınandan başqa heç bir zərər aşkar etməyib.
Agentliyin qeyd etdiyi kimi, daha əvvəl Finlandiya polisi bildirib ki, Çinin “Newnew Polar Bear” konteyner gəmisi Balticconnector-un zədələnməsində rol oynamış ola bilər. Lakin onun bu hərəkətinin qəsdən, yoxsa qəza olduğu hələlik bəlli deyil. Reuters xatırladır ki, sızma yerinin yaxınlığında, ehtimal ki, bu gəmiyə aid lövbər tapılıb. Ehtimallara görə, o, boru kəmərini tutub infrastruktura ziyan vura bilərdi.Oktyabrın 23-də Reuters agentliyi Estoniya Xarici İşlər Nazirliyinin adının açıqlanmayan nümayəndəsinə istinadən xəbər verir ki, Baltikyanı respublika da boru kəmərinə və telekommunikasiya kabellərinə dəyən ziyanı birgə araşdırmaq üçün Çin nümayəndələri ilə əlaqə saxlayıb.
aia.az
Tərcümə şöbəsi
Geri dön