İranın xarici işlər naziri BMT-nin İnsan Hüquqları üzrə rəhbərini İsraili Qəzzadakı müharibə cinayətlərinə görə məsuliyyətə cəlb etməyə çağırıb
26-10-2023, 12:54. Yazar: sevinc1
İranın xarici işlər naziri BMT-nin hüquq rəhbərinə məktub yazıb və ondan mühasirədə olan Qəzza zolağında insanlara qarşı hərbi cinayətlər törətdiyinə görə İsrail rejiminin hesaba çəkilməsinə kömək etməsini istəyib.
Hossein Amir-Abdollahian BMT-nin İnsan Haqları üzrə Ali Komissarı Volker Türkə yazdığı məktubda bildirib ki, rejim hazırda Fələstin xalqının hüquqlarını “kobud və sistematik şəkildə pozur”.
İranlı nazir deyib ki, İsrailin vəhşiliklərinin cəzasız qalması rejimi Fələstin xalqına qarşı daha çox cinayət törətməyə cəsarətləndirib.
İran sizdən və BMT-nin digər hüquq mexanizmlərindən sionist rejimin zərbələrini dərhal dayandırmaq üçün hərəkətə keçməyinizi və onun rəhbərlərini bəşəriyyətə qarşı cinayətlər və hərbi cinayətlərə görə məsuliyyətə cəlb etməyinizi gözləyir”, o, çərşənbə günü yayımlanan məktubda bildirib.
İranlı nazir deyib ki, İsrailin intensiv bombardmanları onun məqsədinin Qəzzada Fələstin xalqının “kütləvi qətli” olduğunu göstərir.
Əmir-Abdollahian deyib ki, İsrailin fələstinliləri evlərindən zorla qovmaq cəhdləri və “etnik təmizləmə” həyata keçirmək üçün Qəzzaya daxil olmaq planı beynəlxalq hüququn əsas pozuntusudur.
“İsrail rejiminin rəsmilərinin açıqlamaları, eləcə də sionist rejim qüvvələrinin Qəzza zolağına kütləvi və sistemli hücumları göstərir ki, bu, Fələstin xalqına qarşı soyqırım kampaniyasıdır”.İsrail oktyabrın 7-dən Qəzza zolağına ağır zərbələr endirib, 19 günlük təcavüzü zamanı 2700-dən çoxu uşaq daxil olmaqla 6500-dən çox insan ölüb, 18000 nəfər yaralanıb.
Rejimin zərbələri Qəzzanın sarsıdıcı mühasirəsi ilə birləşir. İsrail həmçinin zolağa hər hansı yanacağın daşınmasına qadağa qoyub.
Səhiyyə rəsmilərinin bildirdiyinə görə, rejimin artan bombardmanı nəticəsində ölənlərin sayının artması, ərazi üzrə tibb müəssisələrinin bomba zərbələri səbəbindən bağlanmaq məcburiyyətində qalması ilə əlaqədardır.
40-dan çox tibb mərkəzi yanacaqları bitdikdən və ya İsrailin hava hücumları nəticəsində zədələndikdən sonra fəaliyyətini dayandırmalı olub.
aia.az
Tərcümə şöbəsi
Geri dön