Roma Papası Paşinyana Vatikanın ən yüksək mükafatlarından birini verib
24-10-2023, 18:49. Yazar: sevinc1
Roma Papası Fransisk Ermənistanın baş naziri Nikol Paşinyana Vatikanın ən yüksək mükafatlarından sayılan IX Piy ordeninin Böyük Xaçı təqdim edib. RİA Novosti bu barədə Ermənistan Nazirlər Kabinetinin mətbuat xidmətinə istinadən xəbər verir.
Mükafatı Paşinyana apostol nunsisi, əvvəllər Ermənistanda missiyada olmuş arxiyepiskop Xose Avelino Bettenkur təqdim edib.
“Ermənistan və Müqəddəs Taxt-Tac arasında əlaqələrin möhkəmlənməsinə verdiyi töhfəyə görə, arxiyepiskop Bettenkur Papa Fransiskin adından baş nazir Paşinyana Müqəddəs Taxt-Tacın ən yüksək mükafatlarından birini - IX Piy ordeninin Böyük Xaçı təqdim edib. Bu barədə Ermənistan Nazirlər Kabineti məlumat yayıb.
Mesajda həmçinin bildirilir ki, Paşinyan cavabında Vatikana belə yüksək qiymətə görə təşəkkür edib, həmçinin Ermənistanın Vatikanla əlaqələrin inkişafında maraqlı olduğunu vurğulayıb.
aia.az
Tərcümə şöbəsi
Geri dön