YAP Xəzər rayon təşkilatının yeni ərazi partiya təşkilatı yaradılıb
20-10-2023, 17:12. Yazar: sevinc1
YAP Xəzər rayon təşkilatının Ramin Qasımov küçəsi 9 (Mərdəkan Reabilitasiya Pansionatı) ərazi partiya təşkilatı yaradılıb.
Tədbir iştirakçıları Yeni Azərbaycan Partiyasının yaradıcısı ümümmilli lider Heydər Əliyevin və Azərbaycanın ərazi bütövlüyü uğrunda canlarından keçən şəhidlərimizin əziz xatirəsini bir dəqiqəlik sükutla yad etmişlər.
Tədbiri giriş sözü ilə açan fəal partiya üzvü, Mərdəkan Reabilitasiya Pansionatının direktoru Səidə Babazadə bildirib ki, bu gün Azərbaycan keşməkeşli tarixi dövrlərdən sonra Vətən müharibəsinin təntənəli Zəfərini yaşayır. Müzəffər Ordumuzun qalibiyyəti nəticəsində üçrəngli müqəddəs bayrağımız suverenliyimizin rəmzi kimi Qarabağ da daxil olmaqla bütöv Azərbaycanda vüqarla dalğalanır. O, həmçinin partiyanın keçdiyi şərəfli yoldan bəhs edərək bildirib ki, təxminən 800 minə yaxın üzvü olan partiyanın sıraları günü-gündən genişlənir. Qeyd edib ki, xüsusilə gənclərin böyük həvəslə partiya sıralarına qoşulması sevindirici haldır. Bu baxımdan ərazi təşkilatlarının yaradılması olduqca əhəmiyyətlidir. Bu, üzvlərin partiyanın işində və ölkənin siyasi həyatında daha aktiv iştirakına şərait yaradacaq.
Daha sonra çıxış edən YAP Xəzər rayon təşkilatının məsləhətçiləri Siyasət Həsənov və Nəzrin Bayramova Yeni Azərbaycan Partiyasının ölkənin ictimai, siyasi və sosial həyatındakı rolundan danışıblar. Bildirib ki, son 20 ildə ölkəmiz böyük tərəqqi və inkişaf yolu keçərək dünyada öz layiqli yerini tutmuşdur. Bütün bunlar Müzəffər Ali Baş Komandan cənab İlham Əliyevin yorulmaz fəaliyyətinin və misilsiz xidmətlərinin sayəsində mümkün olmuşdur. Xalqımız bunları unutmur və heç vaxt unutmayacaq. Qırx dörd günlük Vətən müharibəsi və 23 saatlıq antiterror tədbirləri zamanı ölkəmizin qüdrətini, haqq işi naminə bütün mənfur qüvvələrin qarşısının qətiyyətlə alındığını gördük.
Daha sonra digər çıxışçılar YAP-ın keçdiyi şərəfli yol və yeni ərazi təşkilatının yaranmasının əhəmiyyətindən danışıb.
Sonda isə təşkilati məsələlərə baxılıb və partiyanın ərazi təşkilatına sədr və sədr müavini seçilib.
Geri dön