Qətlə yetirilən müğənnini təhqir etdiyi üçün üzr istədi
17-10-2023, 18:00. Yazar: sevinc1
Müğənni Əli Mirəliyev ötən gün əri tərəfindən qətlə yetirilən müğənni Yaqut Nərimanla bağlı müzakirələrə səbəb olan fikirlər söyləyib.
aia.az xəbər verir ki, sənətçi "Bizimləsən" proqramına zəng edərək, bir vaxtlar duet oxuduğu ifaçı haqda xoşagəlməz sözlər deyib. O iddia edib ki, Yaqut dəfələrlə ona içkili halda zəng vurub:
"Əvvəl ona kömək etdim, sonra gördüm sorağı başqa yerdən gəlir. Dedim ki, ailən, uşağın, oğlun və ayrı evin var. Ona dedim ki, get evinə. Yaqut məşhur olandan sonra belə şeylər etdi. Olan hadisələri danışıram. Olmayanları danışmıram".
Proqramda ekspert qismində oturanlar isə Əli Mirəliyevi tənqid edərək, danışmasına imkan verməyiblər.
Yaqutun bacısı, anası Ə.Mirəliyevin dediklərini tənqid ediblər. İfaçı bu gün "Elgizlə izlə" proqramına qatılaraq dediklərini təkzib edib.
"Bilməmişəm, əsəbi olmuşam. Şokdaydım, bilmirəm nə danışmışam" deyərək, ifaçı mərhumun anasından üzr istəyib. Yaqutun anası isə onu bağışlamadığını söyləyib. O bildirib ki, Ə.Mirəliyevin Yaquta borcu olub.
Qeyd edək ki, Yaqut Nəriman adı ilə tanınan müğənni Yaqut Həşimova dünən Nizami rayonu ərazisində bıçaqlanaraq öldürülüb, hadisə ilə bağlı onun həyat yoldaşı Anar Həşimov şübhəli şəxs qismində saxlanılıb. Onlar 2013-cü ildə ailə həyatı qurublar və bir övladları var.
aia.az
Geri dön