“Heydər Əliyev Kuboku” adlı liqanın rayon mərhələsinə
16-10-2023, 11:24. Yazar: sevinc1
Bu günlərdə Cəlilabad şəhər Heydər Əliyev Mərkəzində Lənkəran-Astara Regional Gənclər və İdman İdarəsi, Lənkəran-Astara Regional Təhsil İdarəsi ilə razılaşdırılaraq təsdiq etdiyi plana əsasən region gəncləri arasında “Heydər Əliyev Kuboku” adlı liqanın zona mərhələsi keçirilib.
Yarışın təşkilində əsas məqsəd Müstəqil Azərbaycanın yaradıcısı, dahi şəxsiyyət, ulu öndər Heydər Əliyevin zəngin irsinin, həyat və fəaliyyətinin gənclər arasında təbliği, eləcə onların intellektual potensialının inkişaf etdirilməsi və qabiliyyətlərinin aşkar olunması üçün əlverişli şəraitin yaradılması, vətənpərvərlik ruhunda tərbiyə olunmasıdır.
Yarışma 24 tam orta məktəbin şagirdləri arasında keçirilib. Yüksək nəticə göstərən 12 komanda zona mərhələsinə yüksəlib.
Zəfər Orucoğlu,
Azərbaycan Jurnalistlər Birliyinin üzvü
aia.az
Geri dön