Tovuzda Azərbaycan Respublikasının Prezidenti cənab İlham Əliyevin Prezident seçilməsinin 20 illiyinə həsr olunmuş uşaq və yeniyetmələr arasında şahmat üzrə Tempo turniri keçirilmişdir
16-10-2023, 09:59. Yazar: sevinc1
Turnir Tovuz rayon İcra Hakimiyyəti,Yeni Azərbaycan Partiyası Tovuz rayon Təşkilatı, Qazax-Tovuz Regional Təhsil İdarəsinin Tovuz rayonu üzrə təhsil sektorunun-Tovuz Uşaq-Gənclər İdman Şahmat məktəbinin birgə təşkilatçılığı ilə keçirilmişdir.
Tədbirdə Tovuz rayon İcra Hakimiyyətinin başçısı cənab Məmməd Məmmədov, Yeni Azərbaycan Partiyası Tovuz rayon Təşkilatının sədri Nihad Pənahov,Qazax-Tovuz Regional Təhsil İdarəsinin Tovuz rayonu üzrə təhsil sektorunun müdiri vəzifəsini icra edən Məhəbbət Hüseynova,Uşaq Gənclər İdman Şahmat məktəbinin direktoru Məleykə Əmirzadə iştirak edirdilər.
Tədbiri giriş sözü ilə açan Yeni Azərbaycan Partiyasının Tovuz rayon Təşkilatının sədri Nihad Pənahov bu gün inamla və qətiyyətlə Prezident İlham Əliyevin dünyanın görkəmli dövlət xadimi və siyasi liderlərindən biri olduğunu bildirirək ölkəmizin son 20 ildə bütün sahələr üzrə sürətli inkişafı, ölkəmizin dünya birliyinə inteqrasiyası, qüdrətli dövlətlər sırasında yer aldığını diqqətə çatdırdı.Sonra o Prezident Müzəffər Ali Baş Komandan İlham Əliyevin rəhbərliyilə yenilməz Azərbaycan Ordusunun uğurlarının Azərbaycanın müstəqillik tarixinə əbədi həkk olunduğunu və şanlı zəfərimizin Azərbaycanı qələbədən-qələbəyə doğru irəlilədiyini bildirdi.Sonra o yarış iştirakçılarına uğurlar arzu etdi.
Keçirilən turnirdə yarışın qalibləri diplom və qiymətli hədiyyələrlə mükafatlandırılıblar.
Geri dön