ABŞ Rusiya neftinə qoyulan qiymət məhdudiyyətlərindən yayındığına görə sanksiyalarla cəzalandırmağa başlayıb
13-10-2023, 12:27. Yazar: sevinc1
Cümə axşamı, oktyabrın 12-də Amerika Birləşmiş Ştatları Rusiya neftinə qarşı qiymət məhdudiyyətlərindən yayınmağa cavab olaraq ilk dəfə sanksiyalar tətbiq edib. Bu barədə ABŞ Maliyyə Nazirliyinin sanksiya bölməsi olan OFAC məlumat yayıb.
BƏƏ-dən olan gəmiçilik şirkəti Lumber Marine SA və Turkish Ice Pearl Navigation Corp. sanksiyaya məruz qalıb.
Lumber Marine SCF Primorye ilə Novy Port Rus Arktik neftini barrel üçün 75 dollar qiymətinə daşıyarkən tutuldu, türk şirkəti isə ESPO neftini barreli 80 dollardan daşıyan Yasa Golden Bosphorus tankerinin sahibidir.
Hər iki gəmi Amerika şirkətlərinin xidmətlərindən istifadə edib.G7 koalisiyası və Avstraliyanın razılaşdırdığı qiymət tavanı bir barel üçün 60 dollar müəyyən edilib.
ABŞ-ın sanksiyalar siyahısına əlavə edilməsi hər iki şirkətin qlobal neft ticarətində iştirakına maneələr yaradır.
"Bugünkü qərar bizim Rusiyanın Ukraynaya qarşı müharibəsi üçün resurslarını azaltmaq və qiymət həddi saxlamaqda davam edən öhdəliyimizi nümayiş etdirir", - ABŞ maliyyə nazirinin müavini Uolli Adeyemo açıqlamasında deyib.2022-ci il dekabrın 5-dən etibarən G7 ölkələri öz şirkətlərinə Rusiya neftinin barreli 60 dollardan baha qiymətə satıldığı təqdirdə onun dəniz yolu ilə daşınması üçün nəqliyyat və ya sığorta kimi xidmətlər göstərməyi qadağan edib. O vaxtdan bəri qiymət tavanına heç vaxt yenidən baxılmayıb.
Əvvəlcə proqram lazım olduğu kimi işləyirdi.Rusiyanın avqust ayında neft gəlirləri 2022-ci ilin payızından bəri maksimuma yüksəlib.
Dünyada neftin maya dəyəri artır və ekspertlər onun qiymətinin bir barel üçün 100 dollar səviyyəsinə qayıtmasının an məsələsi olduğunu deyirlər.
aia.az
Tərcümə şöbəsi
Geri dön