Ana Sayfa > Seçki 2024 > Füzuli və İmişlidə meliorativ tədbirlər görülür

Füzuli və İmişlidə meliorativ tədbirlər görülür


13-10-2023, 10:41. Yazar: sevinc1
Füzuli və İmişlidə meliorativ tədbirlər görülür

Azərbaycan Meliorasiya və Su Təsərrüfatı Açıq Səhmdar Cəmiyyətinin nümayəndəsi Dilqəm Şərifov aia.az-a bildirib ki, Bəhramtəpə Melioservis İdarəsi ölkənin əksər rayonlarında meliorativ tədbirlərini davam etdirir. İdarə təsərrüfatlararası, təsərrüfatdaxili suvarma və kollektor drenaj sistemlərinin lildən təmizlənməsi, hidrotexniki qurğuların təmiri, bərpası və yenidən qurulması, torpaq məcralı kanalların beton üzlüyə alınması və nov kanalların çəkilişi işlərini həyata keçirir. Bu işlərdən biri də Füzuli rayonu ərazisində aparılır. Su itkisinin qarşısının alınması, suyun maneəsiz olaraq fermerlərə çatdırılması üçün rayonun Əhmədalılar torpaq məcralı kanalın beton üzlüyə alınması işlərinə start verilib. Hazırda ərazidə torpaq işləri görülür.
Bəhramtəpə Melioservis İdarəsi İmişli rayonu ərazisində yerləşən əkin sahələrinin vaxtında, səmərəli və itkisiz suvarılması üçün nov kanalların quraşdırılması işlərini də həyata keçirir. Belə ki, nov kanalın keçdiyi ərazidə 450 hektar əkin sahəsinin suvarılması yaxşılaşacaq. Hazırda nov kanallar əraziyə daşınır və kanal boyu düzülür.
əQeyd edək ki, Bəhramtəpə Melioservis İdarəsi Füzuli və İmişli rayonları ilə paralel olaraq Neftçala rayonunda nov kanalın çəkilişini həyata keçirir. Plan üzrə işlərin oktyabr ayının sonuna qədər yekunlaşdırılması nəzərdə tutulub.


Geri dön