YAP Füzuli rayon təşkilatı partiya fəalları ilə görüş keçirib
12-10-2023, 20:27. Yazar: sevinc1
Yeni Azərbaycan Partiyası Füzuli rayon təşkilatı Bala Bəhmənli kəndində Şəhid ailələri, kənd sakinləri, ziyalılar, gənclər və partiya fəalları ilə görüş keçirdi.
aia.az xəbər verir ki, görüş, Yeni Azərbaycan Partiyası Füzuli rayon təşkilatının sədri Nazimə Şamıyevanın iştirakı ilə 12 oktyabr 2023-cü il tarixdə rayonun Bala Bəhmənli kənd tam orta məktəbində keçirildi.
Görüş, Ümumilli Lider Heydər Əliyevin və Şəhidlərimizin əziz xatirəsinin bir dəqiqəlik sükutla yad edilməsi ilə başladı.
YAP Füzuli Rayon Təşkilatının Sədri Nazımə Şamıyeva, Azərbaycanda və dünyada baş verən siyasi proseslər, 44 günlük Vətən müharibəsindən və 19-20 sentyabr tarixində Qarabağda həyata keçirilmiş uğurlu antiterror əməliyyatlarından sonra regionda mövcud vəziyyət, Yeni Azərbaycan Partiyasının VII qurultayından sonrakı dövrdə Partiyada aparılan islahatlar, Azərbaycan Respublikasının Prezidenti, YAP sədri, Müzəffər Ali Baş Komandan Cənab İlham Əliyevin apardığı daxili və xarici siyasət, işğaldan azad edilmiş torpaqlarda aparılan quruculuq işləri, məcburi köçkünlərin doğma yurdlarına qayıdışı kimi məsələlərlə bağlı söhbətlər apardı. Həmçinin Nazimə Şamıyeva çıxışı zamanı bildirdi ki, dünya dövlətləri sırasında layiqli yer tutan Azərbaycan Respublikasının Ulu Öndərimiz tərəfindən müəyyənləşdirilən inkişaf xəttini dövlətimizin başçısı İlham Əliyev uğurla davam etdirir.
Görüşdə Şəhid ailələri və kənd sakinləri tərəfindən səsləndirilən müraciətlər aidiyyəti üzrə yönləndirilməsi üçün qeydiyyata alındı.
Sonda xatirə şəkli çəkildi.
Geri dön