Bölgədə iqtisadi- energetika sahəsində əlaqələr genişlənir
11-10-2023, 01:07. Yazar: sevinc1
Energetika sahəsində ənənəvi sahələrdən başqa bizi birləşdirən “Yaşıl enerji dəhlizi” layihəsidir
Azərbaycan artıq neçə illərdir ki,iri layihələrin müəllifidir.Regionun iqtisadi inkişafı üçün bu layihələr xüsusi əhəmiyyət kəsb edir.
Prezident İlham Əliyevin Tbilisidə rəsmi səfəri zamanı mətbuata verdiyi bəyanatda enerji sektorundakı əlaqələrə diqqət verildiyiyi bildirilib.Cənab Prezident bilfirib ki,həm enerji, həm nəqliyyat sahəsində çox böyük əməkdaşlıq planları var. Bizim birgə həyata keçirdiyimiz enerji və nəqliyyat layihələri bu gün bir çox ölkələrin enerji və nəqliyyat təhlükəsizliyinə xidmət göstərir.Əməkdaşlığın dərinləşməsinə hesablanmış gündəlik vardır. Azərbaycan böyük məmnuniyyətlə Gürcüstanın yeni infrastruktur layihələrinin yaranmasında iştirak edə bilər. Anakliya limanı və Kulevi limanı əməkdaşlığımızı daha da gücləndirəcək. Bakı-Tbilisi-Qars dəmir yolunun aşırma qabiliyyətinin 5 dəfədən çox artırılması və yaxın gələcəkdə fəaliyyətə başlaması da Orta Dəhlizin güclənməsinə xidmət göstərəcək.
Energetika sahəsində ənənəvi sahələrdən başqa bizi birləşdirən “Yaşıl enerji dəhlizi” layihəsidir. Burada da biz iki qardaş ölkə Avropa ölkələri ilə sıx əməkdaşlıq edirik və yaxın aylarda bu layihənin texniki-iqtisadi əsaslandırması hazır olacaq.
Cənab Prezident iki ölkə arasındakı isti münasibətlərə xüsusi önəm verildiyini qeyd edərək bildirib ki,Gürcüstanın və Azərbaycanın birlikdə və digər qonşu ölkələrlə birgə icra etdiyi layihələr böyük məna daşıyır. Bizdə güclü siyasi iradə və artıq yaradılmış güclü infrastruktur var. Ən əsas amil isə Gürcüstan-Azərbaycan dostluğu və strateji tərəfdaşlığıdır.
Elsevər Əliyev
YAP Laçın rayon təşkilatının fəal üzvü
Geri dön