YAP Şirvan şəhər təşkilatının inzibati binasında şəhid ailələri və qazilərlə görüş keçirilib
28-09-2023, 20:28. Yazar: sevinc1
27 sentyabr Anım Günü ilə əlaqədar 2023-cü il sentyabrın 28-də YAP Şirvan şəhər təşkilatının inzibati binasında şəhid ailələri və qazilərlə görüş keçirilmişdir.
aia.az xəbər verir ki, əvvəlcə Ulu Öndər Heydər Əliyevin və Azərbaycanın ərazi bütövlüyü uğrunda şəhid olanların əziz xatirəsi bir dəqiqəlik sükutla yad edildi.
Görüş zamanı Qalib Ali Baş Komandan cənab İlham Əliyevin rəhbərliyi ilə rəşadətli Ordumuzun 44 günlük Vətən müharibəsində düşmən üzərində şanlı Zəfər qazanmasından, qəhrəman Vətən övladlarının torpaqlarımızın işğaldan azad edilməsi uğrunda döyüşlərdə göstərdiyi şücaətlərdən bəhs olunub.
Çıxış edən qazilər şərəfli döyüş yolundan geniş söhbət açdılar.
Şəhid ailələri və qazilər onlara göstərilən xüsusi diqqət və qayğıya görə Prezident İlham Əliyevə, Birinci vitse-prezident Mehriban Əliyevaya öz minnətdarlıqlarını bildiriblər.
Geri dön