Vergilər Nazirliyi əhaliyə iş təklif edir: XƏBƏR VER - PUL QAZAN
31-08-2016, 11:05. Yazar: admin
Vergidən yayınan şəxs haqqında xəbər verən digər şəxs mükafat alacaq
Vergidən yayınanlar barədə Vergilər Nazirliyinə xəbər verən şəxslər mükafatlandırılacaqlar. Bu, nazirliyin yeni həyata keçirməyə hazırlaşdığı ictimai məlumatlandırma adlanan mexanizmin tətbiqi ilə reallaşacaq.
Vergilər Nazirliyi Vergi siyasəti və strateji araşdırmalar Baş İdarəsinin şöbə müdiri Fərid Nəbilinin sözlərinə əsasən, vergidən yayınma hallarına görə xəbər verən şəxslərin mükafatlandırılması onların verdiyi xəbərin önəmindən asılı olacaq. Nazirliyin şöbə müdiri bildirib ki, mükafatın məbləği kifayət qədər yüksək olacaq.
Məlumatların nazirliyə çatdırılmasında ənənəvi və yeni olmaqla bütün əlaqə formalarından istifadə ediləcək.
Vergi ilə bağlı müraciət edən şəxslərin müraciətinə 30-60 gün ərzində baxılması planlaşdırılır. Nazirlik rəsmisinin sözlərinə görə, qısa zamanda mexanizmin təfərrüatları dəqiqləşdiriləndən sonra onun tətbiqinə başlanacaq.
Geri dön