Partiya fəalları ilə görüş keçirilib
28-09-2023, 11:28. Yazar: sevinc1
Yeni Azərbaycan Partiyası Xəzər rayon təşkilatının sədr müavini Şəfayət Nənəcanov, təşkilatın məsul əməkdaşları Siyasət Həsənov və Nəzrin Bayramova 28 sentyabr 2023-cü il tarixində Xəzər rayonu Türkan qəsəbəsi Xanlar küçəsi 1 (262 nömrəli tam orta məktəb) ünvanında partiya fəalları ilə növbəti görüş keçirmişdir.
Görüş iştirakçıları Yeni Azərbaycan Partiyasının yaradıcısı ümümmilli lider Heydər Əliyevin və Azərbaycanın ərazi bütövlüyü uğrunda canlarından keçən şəhidlərimizin əziz xatirəsini bir dəqiqəlik sükutla yad etmişlər.
Yeni Azərbaycan Partiyası Xəzər rayon təşkilatının sədr müavini Şəfayət Nənəcanov çıxış edərək Müzəffər Ali Baş Komandan cənab İlham Əliyevin rəhbərliyi ilə 44 günlük Vətən müharibəsində qazanılan Zəfərlə torpaqlarımızın işğaldan azad olunmasından, bu ilin sentyabrın 20-də Qarabağ bölgəsində uğurla başa çatan antiterror tədbirləri nəticəsində Azərbaycanın öz suverenliyini bərpa etməsindən danışdı. O, bildirdi ki, sentyabrın 19-da başladılan və Azərbaycan Ordusunun uğurla başa çatdırdığı antiterror tədbirləri qalib xalqımızın şanlı zəfər tarixinə qızıl hərflərlə yazılmış yeni bir səhifədir. Əzəli və əbədi torpaqlarımız olan doğma Qarabağımız üzərində ölkəmizin suveren hüquqlarının tam bərpası ilə bitən bu böyük Qələbə yolunda canlarını fəda etmiş şəhidlərimizə Uca Allahdan rəhmət, yaralılarımıza şəfa dilədi. Şəfayət Nənəcanov həmçinin, YAP-ın VII Qurultayından sonra ərazi partiya təşkilatlarının qarşısına qoyulan vəzifələrdən və bu vəzifələrin həyata keçirilməsindən, partiyada aparılan islahatlardan da söhbət açdı.
262 nömrəli tam orta məktəbin direktoru, partiya fəalı Kəmalə Babayevə çıxış edərək bildirdi ki, Müasir hərb tariximizdə daha bir nailiyyət isə bir neçə gün əvvəl əldə edildi və növbəti dəfə bizə sevinc yaşatdı. Vətən müharibəsində olduğu kimi, son hadisələr zamanı da Müzəffər Ali Baş Komandan cənab İlham Əliyev möhkəm siyasi iradə, əzmkarlıq nümayiş etdirdi və növbəti dəfə tarix yazdı. Belə ki, Qarabağ bölgəsində cəmi bir gün ərzində həyata keçirilən antiterror tədbirləri böyük uğurla nəticələndi. Vətənimiz, torpaqlarımız uğrunda şəhid olan Azərbaycan övladlarına rəhmət, ailələrinə başsağlığı və səbir, qazilərimizə şəfa diləyirik. Qarabağ Azərbaycandır!
Xanlar küçəsi 1 (262 nömrəli tam orta məktəb) ərazi partiya təşkilatının sədri Şərif Əliyev və sədr müavini Turanə Zeynalova çıxış edərək bildirdilər ki, Müzəffər Ali Baş Komandan cənab İlham Əliyevin rəhbərliyi ilə rəşadətli Ordumuzun 44 günlük Vətən müharibəsində qazandığı şanlı Zəfər bu gün dillər əzbəridir. Otuz ilə yaxın işğal altında qalmış əzəli torpaqlarımızın azad olunması xalqımızı həm hədsiz sevindirdi, həm də onun birliyini, döyüş qabiliyyətini bütün dünyaya göstərdi.
Daha sonra partiya sıralarına yeni qəbul olunmuş şəxslərə üzvlük vəsiqələri təqdim edilib. partiya fəallarının fikir və təklifləri dinlənilib, qaldırılan məslələrlə bağlı müzakirələr aparılıb.
Geri dön