Gəncədə şəhid Asiman İmamverdiyevin il mərasimi keçirilib
14-09-2023, 14:25. Yazar: sevinc1
Gəncədə ötən il sentyabrın 12-dən etibarən Ermənistan silahlı qüvvələrinin dövlət sərhədində törətdiyi genişmiqyaslı təxribatların qarşısının alınması zamanı qəhrəmancasına şəhid olan Vətən müharibəsi iştirakçısı Asiman İmamverdiyevin il mərasimi keçirilib.
aia.az bildirir ki, anım mərasimində Gəncə şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, Milli Məclisin üzvü Müşfiq Cəfərov, Gəncə şəhər İHB Aparatının əməkdaşları, bələdiyyə üzvləri, idarə, müəssisə, təşkilat rəhbərləri və ictimaiyyət nümayəndələri iştirak ediblər. Şəhidin məzarı ziyarət olunub, üzərinə gül dəstələri düzüblər.
Xatırladaq ki, Asiman Mehman oğlu İmamverdiyev 02 avqust 1988-ci ildə Gəncə şəhərində anadan olub. O, Prezident İlham Əliyevin müvafiq Sərəncamı ilə ölümündən sonra "Azərbaycan Bayrağı" ordeni və "Vətən uğrunda" medalı ilə təltif edilib.
Azər Tağızadə
Geri dön