Əslən Lerikdən olan Ukraynalı deputat şairlə görüş
13-09-2023, 10:49. Yazar: sevinc1
Dağlar diyarı Lerik rayon Heydər Əliyev Mərkəzində Ukraynanın Çerniqov Vilayəti Ali Sovetinin deputatı, şair Volodimir Xeybər oğlu Məmmədovla görüş keçirilib.
Mərkəzdə nümayiş olunan Ulu öndər Heydər Əliyevin həyat və fəaliyyətindən bəhs edən eksponatlarla tanışlıqla başlanan tədbirdə Lerik Rayon İcra hakimiyyəti başçısının müavini, İctimai-siyasi və humanitar məsələlər şöbəsinin müdiri Arzu Vəliməmmədova çıxış edərək şair haqqında ətraflı məlumat verib.
Sonra rayon ziyalısı Hüseynbala Əliyev Ukrayna ədəbiyyatı və mədəniyyəti haqqında, eləcə də şair V. Məmmədovun yaradıcılığı barədə fikirlərini bölüşüb. Digər çıxış edənlər isə şairin "Taleyimin iki qanadı" kitabında Azərbaycan və Ukrayna dostluğu barədə gedən yazılar haqqında söhbət açıblar.
Yekunda şair V. Məmmədov görüşə gələnlərə razılığını bildirərək, doğma Vətənimizə həsr etdiyi şerləri səsləndirib, eləcə kitablarını tədbir iştirakçılarına hədiyyə edib.
Zəfər Orucoğlu,
Azərbaycan Jurnalistlər Birliyinin üzvü
aia.az
Geri dön