Lənkəran Dövlət Dram Teatrı yeni mövsümə başlayır
6-09-2023, 09:12. Yazar: sevinc1
Lənkəran Dövlət Dram Teatrı 133-cü mövsümə sentyabrın 24-də Xalq yazıçısı Kamal Abdullanın “Casus” tamaşası ilə start verəcək. Bu münasibətlə teatrda yığıncaq keçirilib.
Tədbirdə teatrın direktoru vəzifəsini icra edən İntiqam Hacılı çıxışında bildirib ki, teatrda yeni mövsümə 10 tamaşa və kompozisiya hazırlanıb. O, hal-hazırda paralel olaraq “Müqəssir” (müəllif: Ə. Haqverdiyev, rejissor: Abdulla Elşadlı), “Cəmilə” (müəllif: Çingiz Aytmatov, rejissor: İmran Əli Qurbanlı), “Bu da axırı” (mono tamaşa; müəllif: Piter Turini, rejissor: Abdulla Elşadlı) tamaşalarının tamamlanması üzərində işlərin gedir, eləcə Heydər Əliyevin 100 illiyinə həsr olunmuş “İki 23 arasında” (müəllif: Qəşəm Nəcəfzadə, rejissor: Emil Əskərov) əsərinin məşqləri isə davam edir.
Zəfər Orucoğlu,
Azərbaycan Jurnalistlər Birliyinin üzvü
aia.az
Geri dön