İcra başçısı açıq ürək əməliyyatı keçirən şəhid övladını ziyarət edib
30-08-2023, 11:20. Yazar: sevinc1
Gəncə şəhər İcra Hakimiyyətinin başçısı Niyazi Bayramov şəhid Asiman İmamverdiyevin övladı Nuray İmamverdiyevanı keçirdiyi açıq ürək əməliyyatından sonra ziyarət edib, onun vəziyyəti ilə maraqlanıb.
aia.az xəbər verir ki, görüşdə YAP Gəncə şəhər təşkilatının sədri və şəhər İHB Aparatının məsul əməkdaşları iştirak edib.
Şəhər rəhbərinə məlumat verilərək bildirilib ki, Nuray Bakı şəhərində yerləşən Liv Bona Dea Beynəlxalq Hospitalında açıq ürək əməliyyatı keçirib. Hazırda onun səhhəti qənaətbəxşdir.
Balaca Nuraya şəfa diləyən Niyazi Bayramov şəhid ailəsini narahat edən məsələlərlə maraqlanıb və lazımi tədbirlərin görülməsi üçün aidiyyatı üzrə tapşırıqlar verib.
Şəhid Asiman İmamverdiyevin ailəsi göstərilən diqqət və qayğıya görə Prezident İlham Əliyevə, 1-ci vitse-prezident Mehriban xanım Əliyevaya və şəhər rəhbərinə dərin təşəkkürlərini bildiriblər. Şəhidin övladları Vətənə həsr olunmuş şeirlər səsləndiriblər.
Xatırladaq edək ki, Vətən mühraibəsi iştirakçısı Asiman İmamverdiyev 12 sentyabr 2022-ci ildə Ermənistan Silahlı Qüvvələri tərəfindən törədilən genişmiqyaslı təxribatın qarşısının alınması zamanı qəhrəmancasına şəhid olub.
Azər Tağızadə
Geri dön