Gəncənin icra başçısı şəhər ziyalıları ilə görüşüb
23-08-2023, 10:39. Yazar: sevinc1
Dövlət başçısı İlham Əliyevin tapşırıq və tövsiyələrinə uyğun olaraq ölkənin bütün bölgələrində olduğu kimi, Gəncə şəhərində də sakinlərlə mütəmadi olaraq görüşlər keçirilir.
aia.az xəbər verir ki, Gəncə şəhər İcra Hakimiyyətinin başçısı Niyazi Bayramov bu dəfə şəhər ziyalıları və ağsaqqallarla görüşüb, onların müraciətlərini dinləyib. Görüşdə YAP Gəncə şəhər təşkilatının sədri Bayram Aslanov, Gəncə şəhər İHB Aparatının məsul əməkdaşları, idarə, müəssisə və təşkilat rəhbərləri iştirak ediblər.
İcra başçısı Niyazi Bayramov bildirib ki, dövlət başçısının bu gün Gəncəyə olan diqqət və qayğısı nəticəsində şəhərdə abadlıq-quruculuq işləri uğurla davam edir. Şəhərin park və xiyabanları əsaslı təmir olunaraq gəncəlilərin ixtiyarına verilib.
Şəhər rəhbəri əlavə edib ki, qızmar yay günlərinə baxmayaraq görülən işlərə bir an da olsa ara verilmir.
Ziyalılar Gəncədə həyata keçirilən abadlıq-quruculuq işlərinə görə Prezident İlham Əliyevə, 1-ci vitse-prezident Mehriban xanım Əliyevaya və şəhər rəhbərinə dərin təşəkkürlərini bildirib, həmçinin bir sıra təklif və müraciətlə çıxış ediblər.
Səsləndirlən təklif və müraciətlərin bir çoxu yerindəcə öz həllini tapıb, digərlərinin araşdırılaraq qanunauyğun formada həlli üçün aidiyyəti üzrə tapşırıqlar verilib.
Görüş çay süfrəsi arxasında səmimi söhbət şəraitində davam edib.
Azər Tağızadə
Geri dön