Voleybol yarışı keçirildi
15-08-2023, 10:35. Yazar: sevinc1
Müstəqil Azərbaycanın qurucusu, Türk dünyasının dahi oğlu, ümummilli lider Heydər Əliyevin anadan olmasının 100 illiyinə həsr olunmuş Astara rayonunun Çay-oba kəndində yerləşən Ümid İdman Kompleksində həvəskar voleybol komandaları arasında Astara rayon turniri baş tutdu. Olimpiya sistemi üzrə keçirilən yarışda 10 komanda qalib olmaq uğrunda gərgin mübarizə apardı. İdman həvəskarları arasında böyük marağa səbəb olan yarışda Astaranı təmsil edən Alaşa komandası I yerə çıxdı. II yerə Lənkəranın Mamusta, III yerə isə Tüləküvənd (Astara) komandaları layiq görüldü. Yekunda yarışın qaliblərinə kubok və medallar təqdim olundu.
Zəfər Orucoğlu,
Azərbaycan Jurnalistlər Birliyinin üzvü
aia.az
Geri dön