Gənclər arasında intellektual yarışma
14-08-2023, 11:35. Yazar: sevinc1
Lerik Rayon Heydər Əliyev Mərkəzində ulu öndər Heydər Əliyevin anadan olmasının 100 illiyinə həsr olunmuş gənclər arasında intellektual yarış keçirilib.
Lerik Rayon Heydər Əliyev Mərkəzinin və Lənkəran - Astara Gənclər və İdman İdarəsi Lerik rayon sektorunun təşkilatçılığı sayəsində baş tutan yarışda komandalar öz bilik və bacarıqlarını göstərərək, müasir Azərbaycan dövlətinin memarı və qurucusu Heydər Əliyevin zəngin siyasi irsi barədə sualları dolğun şəkildə cavab veriblər. Qalıb komandalar növbəti mərhələdə iştirak hüququ qazanıblar.
Məlumat üçün bildirək ki, yarışların təşkilində əsas məqsəd gənclərin asudə vaxtlarının səmərəli və faydalı təşkili, həmçinin bilik və bacarıqdan əlavə, məntiqi düşüncə və dünyagörüşünün də inkişafına nail olmaqdan ötrü geniş imkan yaratmaqdan ibarətdir.
Zəfər Orucoğlu,
Azərbaycan Jurnalistlər Birliyinin üzvü
aia.az
Geri dön