İcra başçısı azarkeşlərlə birgə matçı izləyib
7-08-2023, 13:15. Yazar: sevinc1
Futbol üzrə Azərbaycan Premyer Liqasının ilk turu çərçivəsində Gəncənin "Kəpəz" PFK doğma meydanda "Neftçi"ni qəbul edib.
Zəngin futbol ənənələrinə malik Qərb bölgəsinin azarkeşləri üçün əsl bayrama çevrilən matça maraq böyük olub.
AİA.Az xəbər verir ki, oyunu stadionda izləməyə gələnlər arasında Gəncə şəhər İcra Hakimiyyətinin başçısı Niyazi Bayramov, bələdiyyə sədrləri, İcra Aparatının məsul əməkdaşları, idarə, müəssisə və təşkilat rəhbərləri də olublar.
Oyuna gəlincə. Görüş Gəncə təmsilçisinin 1:0 hesablı qələbəsi ilə başa çatıb. Yeganə qolu oyunun 44-cü dəqiqədə penaltidən Mate Kvirkviya vurub.
Qeyd edək ki, bu qələbədən sonra ilk xallarını qazanan "Kəpəz" 3-cü, "Neftçi" isə 8-ci pillədə qərarlaşıb.
Azər Tağızadə
Geri dön