Masalının "Ərkivan” FK ölkə kubokuna sahib çıxıb
24-07-2023, 10:30. Yazar: sevinc1
Azərbaycan Həvəskarlar Futbol Federasiyasının təşkilatçılığı sayəsində keçirilən ölkə kuboku yarışlarına yekun vurulub. İlk gündən yaşıl meydançada qələbə əzmi ilə mübarizəyə qoşulan,
Masallı rayonunu təmsil edən “Ərkivan” futbol klubu həvəskar komandalar arasında ölkə kubokuna sahibi çıxıb.
Yarışın final qarşılaşması iyulun 22-də Bakı şəhərindəki “ASKO Arena” stadionunda baş tutub. Bakının “Topçular” futbol klubu ilə qarşı-qarşıya gələn masallıların görüşü maraqlı anlarla yadda qalıb.
Oyunun əsas hissəsi bərabərliklə sona çatıb. Belə ki, hər iki komanda 5 dəfə rəqib qapısını silkələyib. Masallı idmançıları əlavə vaxtda isə daha yaxşı oyun nümayiş etməklə önə çıxmağı bacarıblar.
Rəqib komanda üzərində inamlı qələbə (7:5) çalan “Ərkivan” FK ölkə kubokunu Masallı rayonuna gətirib.
Zəfər Orucoğlu,
Azərbaycan Jurnalistlər Birliyinin üzvü
aia.az
Geri dön