İcra başçısı Gəncə-Daşkəsən Regional Gənclər və İdman İdarəsinin yeni rəisi ilə görüşüb
12-07-2023, 12:12. Yazar: sevinc1
Xəbər verdiyimiz kimi, Gənclər və İdman naziri Fərid Qayıbovun müvafiq əmri ilə İntiqam Hüseynov Gəncə-Daşkəsən Regional Gənclər və İdman İdarəsinin rəisi vəzifəsinə təyin olunub. Qeyd edək ki, Əməkdar məşqçi İntiqam Hüseynov bu təyinatadək Gəncə şəhər Olimpiya İdman Kompleksinin direktoru vəzifəsini icra edib.
aia.az bildirir ki, Gəncə şəhər İcra Hakimiyyətinin başçısı Niyazi Bayramov İntiqam Hüseynovla görüşüb.
Görüş zamanı Gəncə şəhərində gənclər və idman sahəsində həyata keçirilən tədbirlərdən bəhs edilib, perspektivdə duran məsələlər müzakirə olunub.
Şəhər rəhbəri İntiqam Hüseynova tapşırıq və tövsiyələrini verib, ona gələcək fəaliyyətində uğurlar arzulayıb.
Azər Tağızadə
Geri dön