Futbolun inkişafına töhfə
10-07-2023, 10:59. Yazar: sevinc1
Astarada Zirvə peşəkar futbol komandası 1972-ci ildə yaranıb. Prezidenti Sakin Məmmədov, məşqçiləri Tural Əmirov, Şamo Şəkərov, İlqar Dadaşov olan klub yeni bir təşəbbüs irəli sürüb. Yəni 2023-cü ilin may ayından başlayaraq rayonun Ojəkəran kəndində, eləcə ətraf ərazilərdə yaşayan 7-14yaş arası yeniyetmələri futbol cəlb etmək üçün seçim mərhələsinə başlayıb. Burada məqsəd bölgələrdə futbolun inkişafına töhfə vermək, yeni istedadları ortaya çıxartmaq, yeniyetmələrin asudə vaxtlarını səmərəli təşkilinə şərait yaratmaq, onları zərərli vərdişlərdən uzaq salmaqdır.
Hazırda futbol komandası təşkil olunaraq kənd meydançasında həftədə 3 dəfə məşqçilərin rəhbərliyi altında təlim-məşqlər keçirilir. Bu nümunəvi addım yeniyetmələrdə futbola böyük maraq oyatmaqla kənd, sakinlər tərəfindən sevinclə qarşılanır.
Zəfər Orucoğlu,
Azərbaycan Jurnalistlər Birliyinin üzvü
aia.az
Geri dön