Arda Güler “Real Madrid”lə müqavilə imzaladı:
7-07-2023, 14:46. Yazar: sevinc1
Arda Güler tədqimat mərasimində “Real Madrid”ə keçidi ilə bağlı fikirlərini bildirib.
aia.az xəbər verir ki, türkiyəli futbolçu klubun əfsanəsi olmaq istədiyini deyib:
“Həyatımın ən özəl günüdür. Bura qədər gəlməyimdə əməyi olan, məni dəstəkləyən hər kəsə təşəkkür edirəm. “Real Madrid”in əfsanəsi olmaq istəyirəm. Burada olmaq mənim üçün qürurvericidir”.
“Real Madrid”in prezidenti Florentino Peres isə A.Gülerə müraciətlə bunları deyib:
“Hələ 18 yaşın olmasına baxmayaraq, böyük uğurlar qazanmısan. Səni bura gətirən istedadın və əzmindir. Əminəm ki, “Real Madrid”in hansı dəyərlərə malik olduğunu bilirsən. Bizimlə birgə sən də böyüyəcəksən. Bilirəm ki, bu anı heç vaxt unutmayacaqsan”.
14:14
“Fənərbağça”nın futbolçusu Arda Gülerin “Real Madrid”ə keçidi rəsmiləşib.
İspaniya klubunun mətbuat xidmətinin yaydığı məlumata görə, Türkiyə millisinin üzvü tibbi müayinədən keçdikdən sonra altı illik müqavilə imza atıb.
18 yaşlı futbolçu Madrid təmsilçisinin heyətində 24 nömrəli formanı geyinəcək.
“Kral klubu” bu keçid üçün 20 milyon avro ödəyəcək. Əlavə olaraq 10 milyon avro bonus nəzərdə tutulub. Bundan başqa, “Fənərbağça” futbolçunun növbəti satışından 20 faiz pay alacaq.
Qeyd edək ki, “Gənclərbirliyi”nin yetirməsi olan Arda Güler 2019-cu ildən “Fənərbağça”da çıxış edirdi.
aia.az
Geri dön