Gəncənin icra başçısı şəhid Hüseyn Quliyevin ailəsini ziyarət edib
5-07-2023, 18:43. Yazar: sevinc1
Gəncə şəhər İcra Hakimiyyətinin başçısı Niyazi Bayramov 44 günlük Vətən müharibəsi zamanı şəhid olan Hüseyn Həsən oğlu Quliyevin ailəsini ziyarət edib.
aia.az xəbər verir ki, görüşdə Milli Məclisin üzvü Müşfiq Cəfərov, YAP Gəncə şəhər təşkilatının sədri və Gəncə şəhər İHB Aparatının əməkdaşları iştirak ediblər.
Şəhər rəhbəri şəhidin ailə üzvlərinə səbir diləyib və bildirib ki, dövlət başçısı İlham Əliyev və Birinci Vitse-prezident Mehriban xanım Əliyeva daim şəhid ailələrini diqqət mərkəzində saxlayır, onlara qayğı ilə yanaşırlar.
Niyazi Bayramov şəhid atası Həsən Quliyevin qayğılarıyla maraqlanıb və lazımi tədbirlərin görülməsi üçün aidiyyatı üzrə tapşırıqlar verib.
Həsən Quliyev şəhid ailələrinə göstərilən diqqət və qayğıya görə Prezident İlham Əliyevə və Birinci Vitse-prezident Mehriban xanım Əliyevaya öz təşəkkürünü ifadə edib.
Xatırladaq ki, 21 yaşlı Hüseyn Quliyev 28 sentyabr 2020-ci il tarixində Murovdağ istiqamətində gedən döyüşlərdə şəhid olub. Ölkə başçısı İlham Əliyevin müvafiq sərəncamlarına uyğun olaraq ölümündən sonra orden və medallarla təltif olunub.
Azər Tağızadə
Geri dön