Azərbaycan Dövlət Akademik Musiqili Teatrı Gəncədə konsert proqramıyla çıxış edib
20-06-2023, 16:41. Yazar: sevinc1
Gəncə şəhər İcra Hakimiyyətinin və Mədəniyyət Nazirliyinin dəstəyi ilə Azərbaycan Dövlət Akademik Musiqili Teatrı tərəfindən Ulu Öndər Heydər Əliyevin anadan olmasının 100 illiyinə və 15 iyun – Milli Qurtuluş Gününə həsr olunmuş musiqili-tarixi esse təqdim olunub.
aia.az xəbər verir ki, Gəncə Dövlət Filarmoniyasında keçirilən konsert proqramında Gəncə şəhər İcra Hakimiyyətinin başçısı Niyazi Bayramov, Milli Məclisin üzvləri Razi Nurullayev, Müşfiq Cəfərov, Türkiyənin Gəncədəki vitse-konsulu, İHB Aparatının, şəhərdə fəaliyyət göstərən idarə, müəssisə və təşkilatların, QHT-lərin, eləcə ictimaiyyət nümayəndələri iştirak ediblər.
Musiqili-tarixi esse kimi təqdim olunan tamaşada Ümummilli Lider Heydər Əliyevin əziz xatirəsi ehtiramla yad olunub, dahi şəxsiyyətin həyat və fəaliyyətinə nəzər salınıb.
Qeyd edək ki, konsert proqramının bədii rəhbəri, Musiqili Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev, ssenari müəllifi Əməkdar artist Mübariz Həmidovdur.
Tədbirdə teatrın solistləri Əməkdar artistlər Fərid Əliyev, Səidə Şərifəliyeva, Prezident mükafatçıları Mehriban Zaliyeva, Səmədzadə Xasiyev, aktyorlar İbrahim Əlizadə, Aydan Həsənova, Hidayət Əliyev, Şaban Cəfərov, Türkel Tariqpeyma, Emin Zeynallı, eləcə də teatrın xor və balet heyətinin üzvləri iştirak ediblər.
Konsert proqramı tamaşaçılar tərəfindən böyük rəğbətlə qarşılanıb.
Azər Tağızadə
Geri dön