Gənc azərbaycanlı gimnastlar beynəlxalq turnirdə uğurlu çıxış ediblər - FOTO
12-06-2023, 13:21. Yazar: sevinc1
.jpg)
"Ocaq Sport" klubunun və İxtisaslaşdırılmış Olimpiya Ehtiyatları Uşaq-Gənclər Gimnastika Məktəbinin yetirmələri bədii gimnastika üzrə Latviyanın Kekava şəhərində keçirilən "Fairy Dust" beynəlxalq turnirində uğurlu çıxış ediblər.
AIA.Az Trend-ə istinadən bildirir ki, "Ocaq Sport" klubunun təmsilçiləri arasında Maya Kozaçuk çoxnövçülük, topla və gürzlə hərəkətlər üzrə gümüş medallar; Röya Alıkişiyeva gürzlə proqramda qızıl medal və çoxnövçülük üzrə gümüş medal; Mehin Hüseynova topla kompozisiyaya görə bürünc medal; Nigar Əhmədzadə gürzlə hərəkətlər üzrə gümüş medal, İnci İslamova isə topla hərəkət proqramına görə qızıl medal qazanıb.
İxtisaslaşdırılmış Olimpiya Ehtiyatları Uşaq-Gənclər Gimnastika Məktəbinin yetirməsi Fəxriyə Əliyeva gürzlə hərəkətlər proqramında birinci yer tutub.
Bədii gimnastika üzrə yarışlar 9-11 iyun tarixlərində keçirilib.
Milli.Az
Məqaləyə dair fotomateriallar:
.jpg)
Geri dön