Xəzər rayonunda "Heydər Əliyev İli" çərçivəsində 15 İyun - Milli Qurtuluş Gününə həsr olunmu tədbir keçirilib
9-06-2023, 11:49. Yazar: sevinc1
AİA.Az xəbər verir ki, Xəzər rayonunda "Heydər Əliyev İli" çərçivəsində 15 İyun - Qurtuluş Gününə həsr olunmuş "Qurtuluş Günü - Azərbaycan taleyini dəyişən zəfər tarixi" adlı tədbir keçirilib.
İyunun 8-də Bakı Şəhəri üzrə Təhsil İdarəsinin (BŞTİ) Təlimə Dəstək Mərkəzinin dəstəyi, Gənclər və İdman İdarəsinin və Şağan Mədəniyyət Mərkəzinin birgə təşkilatçılığı ilə tədbir təşkil edilmişdir. Şağan Mədəniyyət Mərkəzində baş tutan tədbir ilk olaraq Azərbaycan Respublikasının Dövlət Himni ilə açıq elan edilmiş, Ümummilli lider Heydər Əliyevin və Vətən Müharibəsi şəhidlərinin əziz xatirəsi isə dərin hörmətlə və ehtiramla yad edilmişdir.
İlk öncə tədbiri Gənclər və İdman İdarəsinin baş məsləhətçisi Dilşad Nuriyeva açıq elan etmiş və tədbir haqqında məlumat vermişdir. Keçirilən bu tədbirdə Xəzər rayon Gənclər və İdman İdarəsinin rəisi Vüqar Əliyev, Bakı Şəhəri üzrə Təhsil İdarəsinin (BŞTİ) Təlimə Dəstək Mərkəzinin hərbi hazırlıq məsələləri üzrə metodisti Mürsəl Qurbanov, Şağan Mədəniyyət Mərkəzinin direktoru Tərlan Məlikov və digər Mədəniyyət Evlərinin rəhbərləri, həmçinin isə Vətən Müharibəsi iştirakçıları, qazilər, habelə hərbi hazırlıq rəhbərləri və məktəblilər iştirak ediblər. Daha sonra tədbirdə rayon təhsil müəssisələrində gənclərin vətənpərvərlik tərbiyəsi işinin keyfiyyətinin yüksəldilməsi ilə bağlı həyata keçirilən işlər barədə ətraflı fikir mübadiləsi aparılıb.
Həmçinin görüş çərçivəsində GÇH müəllimləri ilə fəaliyyətlər müzakirə olunub, habelə hərbi-idman oyunları üzrə rayon məktəblərinin aktiv və fəal təmin edilməsi və müəllimləri maraqlandıran müvafiq məsələlərə aydınlıq gətirilib. Tədbirin sonunda isə Xəzər rayon Gənclər və İdman İdarəsinin sifarişi ilə ssenari müəllifi və rejissoru Nofəl Abbasquliyevin təqdimatında hazırlanan "Xəzər rayonunun tarix yazan qəhrəmanları" adlı film nümayiş etdirilmişdir. Bundan əlavə Gənclər və İdman İdarəsi tərəfindən hərbi rəhbərlər Fəxri-fərmanla mükafatlandırılıblar. Sonda tədbirdən xatirə şəkli çəkdirilib.
Geri dön